Wekîla Partîya Çepe Gokay Akblut hewteyo ravêrte de hukmatê Almanya ra tecrîdê serê Rayberê Şarê Kurdî Abdullah Ocalanî persay bî. Bi nameyê hukmatî ewro Wezîre Dewlete yê Berpirsîyarê Karanê Ewropa Michael Rothî cewab da vernîyazê Partîya Çepe.

Rothî waşt ke Tirkîya sey endama Konseya Ewropa wezîfeyanê yo Pêkerdişê Heqanê Merdiman ê Ewropa bîyaro ca û vat: ''Ganî şartê ke raporê CPTyî de ameyî waştene, bêrê caardene. Ma sey hukmatê fedaralî veng danê hukmatê Tirkîya û vanê ke  ganî her tewir îşkence û caardişê teberê merdimîye bêrê vindarnayene û avûkat û merdimî pêvînayîş bikerê.'' Wezîrê almanî seba ke tepişteyê Îmraliyî sey leteyêkê tecîrî yew bînî ra dûrî tepişyene û destur nêdîyeno ke yewbînan bivînî zî veng da hukmatê tirkî.

Akbulute vengdayîşê hukmatê Merkele sey gamêka hole hesibna û vat  seba ke  Almanya şertanê tecîrîdî ra hayîdar bo ganî  tim çimê ci Tirkîya ser bo.

CPTyî 5ê tebaxa 2020î de bi raporêk dabi zanayene ke Îmraliyo ke Rayberê Şarê Kurdî Abdullah Ocalan tede yeno tepiştene de tecrîdo giran esto û vatbi seba ke heme heqê tepişteyan yenê binpaykerdene, ganî pêro sîstemê Îmraliyî bêro vurnayene.