Serekîya Îdareyê Lazabeze û Afetî (AFAD) da pêhesnayene ke hûmara kesanê ke erdlerzê Îzmîrî de cuya xo vînî kerde bîye 43.

AFADî da zanayene ke heta nika 43 kesî merdî û 896 birîndarî estê ke înan ra 229 kesî yenî tedawîkerdene. Dîya zanayene ke 9 bînayan de zî xebatê cigêrayîş û xelisnayîşî dewam kenê. Eşkerayîye de ame vatene ke badê erdlerzê pîlî 812 erdlerzê wirdî bîyî ke 40ê înan bi girdîya serê 4î de bî.