Mehkemeya Heqanê Merdiman a Ewropa (MHME) derheqê Rayberê Şarê Krudî Abdullah Ocalanî de qerarê binpaykerdişê heqê hêvî girewt la Tirkîya badê nê qerarî gamêke nêeşt.Coka dosya reyna kewt rojdemê Komîteya Wezîran a Konseya Ewropa.

Komeleya Hiqûqnasan a Seba Azadîye (OHD), Komeleya Hiqûqnasanê Hemdemî (ÇHD), Komeleya Heqanê Merdiman (ÎHD), Weqfa Heqanê Merdiman  a Tirkiya (TÎHV), Weqfa Cigêrayîşanê  Komelkî û Huqûq (TOHAV) û Komeleya Komelê  Sîvîle ê Sîstemê Cezaya Înfazî (CÎSST) verê kombîyayîşê Komîteya Wezîran kombîyayîşê çapemenîye kerd. 

Kombîyayîşo ke Merkezê ÎHDyî de ame kerdene xeylêk avûkatî tewrê ci bîyî. Eşkerayîye de ame vîrvisten eke qerarê MHME ra dima des serrî ravîyartî la Tirkîya hema zî no binpaykerdiş werte ra nêwedarit o  û ame vatene ke menga êlule de no qerar sey perîyodîkî reyna bêro destgirewtene.

Eşkerayîye de veng dîya meqamanê eleqedaran ê Tirkîya ke wa qerarê MHME bîyaro ca û Komîteya Wezîran zî ame waştene  ke wa şiro Tirkîya ser ke wa huqûq bêro caardene.