Goreyê xebera Ajansê Mezopotamya Buroyê Huqûqî yê Van Steenbrugge Advocatenî yê Belçîka çarçewa ''îşkence'' û ''sûcanê vera merdimîye'' de derheqê Serekkomarê Tirkîya Erdoganî de dosyayêke amade kerda û vera şuxilnayîşê çekanê kîmyewîyan têgêrayo.

Wezîrê verênî yê Belçîka û Huqûqnas Johan Vande Lanotteyî nameyê Koalîsyonê Vera Şuxilnayîşê Çekanê Kîmyewîyan ê Kurdîstanî ser o bi dîmen û raporan muracatê Sekreterîya Pêroyî ya Neteweyanê Yewbîyayeyan (NY) kerd. Mektubê înan 7ê teşrîna peyêne de bi rayîrê faxî Sekreterîye rê erşawîya.

Mektub de xîtabê Sekreterîya Pêroyî ya NYyî ame kerdene. Muracat hetê avûkatan Johan Vande Lanotte û Johan Heymansî ra ame îmzakerdene. Muracat de ame waştene ke Koalîsyonê Vera Şuxilnayîşê Çekanê Kîmyewîyan ê Kurdîstanî seba ke eşkera bibo ke dewleta tirke Peymana Çekanê Kîmyewîyan binpay kerda û  çekanê kîmyewîyan şuxilnena yan nê cigêrayîş bikero.

Mektub de dîya zanayene ke girîng û krîtîk o ke na babete cade bêra cigêrayene.

Mektub de qala raporê IPPNWyî zî ameye kerdene.