Partîya Sosyalîste ya Bindestan (ESP), Federasyonê Komeleyanê Ciwananê Sosyalîstan (SGDF) û Hêzanê Têkoşînê Yewbîyayeyî (BMG) qezaya Kadikoyî ya Îstanbulî de vera hêrişanê kîmyewîyan ê dewleta tirke rayraşîyayîşê bi meşaleyan kerd.

Endamanê BMGyî çalakîye de pare kerd ke şuxilnayîşê çekanê kîmyewîyan sûcê vera merdimîye yo û vat: ''Îqtîdarê faşîstî Kurdîstan de çekê kîmyewîyî şuxilnayî.  Kiştoxê karkeranê Bartinî û kiştoxê kurdan yew o. Çareserîye têkoşînê yewbîyayeyî de ya. Vera faşîzm, kapîtalîzm û kolonyalîzmî ma do têkoşînê yewbîyayeyî ser bivisnê.''

Endamanê ESP û SGDFyî zî pankarta 'Bi îşxal û bi kîmyewî şima do nêeşkê ma biqedînê' akerde û sloganê 'Gerîlayî rûmet ê, ma do înan bipawê' û 'Kurdîstan do faşîzmî rê bibo goristan' vatî.