Endamê Komîteya Rayberdişî ya PKKyî Duran Kalkanî ke programêkê taybetî yê Medya Haberî de qisey kerd , averşîyayîşê bade vengdayîşê Rayber Apoyî erjnayî.

Duran Kalkanî vat bade vengdayîşê 27ê sibate yê Rayber Apoyî têgêrayîşê kurdan çîyo ke hewce keno kerd, vera nê hukmatî qet sozêkê xo nêard û bale ante ser ke dewlete adirbirnayîş zî qebul nêkerd.

Duran Kalkanî vist vîrî ke bade vengdayîşî şertê Rayber Apoyî nêameyî bedilnayene û qanûnanê sey heqê hêvî de serûberkerdişî nêameyî kerdene û vat, “İqtîdar vatişanê xo nêano ca, xîle keno. ”

Duran Kalkanî ard ziwan ke têna Rayber Apo eşkeno şervananê PKKyî rê çeke bido caverdayene û vat, “Nê şervanî şervanê fedayî yê. Heta nika her kesî dî. Nê şervanan heta nika xo bi hezaran reyî îsbat kerd. Têna azadîya fîzîkîye ya Rayber Apoyî eşkena înan ra çekan bigîro.”

Kalkanî vat PKKyî badê vengdayîşê adirbirnayîş îlan kerd ke vere pratîkbîyayîşê prosesî bêro akerdene la dewlete vera nê vejîyaye  û persê “ Eke şima vera adirbirnayîşî yê şima hema eşkenê se bikerê? Şima senî eşkenê nê prosesî rayra berê? ” persa.

Duran Kalkanî bale ante şayîyaynê Newroze ser û vat, “Şarê ma mesajê Rayber Apoyî hol fam kerd. Wezîfe û berpirsîyarîya xo zano. Na çarçewa de Newroze bi coşê pîlî yena pîrozkerdene. Şaro ke vejîyeno waranê Newroze waştişê xo zaf zelal ano ziwan. Herkes azadîya fîzîkîye ya Rayber Apoyî wazeno.”

Duran Kalkanî visvirî ke badê vendayîşê Rayber Apoyî zere û teber de her kesî eşkerayîye daye  û vat, “Amerîka ra heta Çînî eşkerayîyî ameyî dayene. Perûne temenîyê xo vatî. Teberê nê dê çîyêk nêkenê. Pratîk de çîyêk çîn o. Cepheyê Tirkîya de zî partîyan qisey kerd. Vanê ma est ê la çîyêk nêkenê. Çew tiway nêgeno xo ser. Rayber Apo semede demokratîkbîyayîşê  û pawitişê Tirkîya tek şens o. Nê şensî hol bişuxulnê.”