29 sîyasetmedar, nuştox, fîlozof, aktîvîstanê haştîye, wekîl, huqûqnas û hunermendan Înîsîyatîfê Edaletî yê Semedê Kurdan ê Mîyanneteweyî awan kerd. Înîsîyatîfî semedo ke PKK lîsteya terorî ya Yewîya Ewropa ra bêro vetene dest pê kampanya kerd.

Înîsîyatîfî vengdayîşê xo de ard ziwan ke meseleya kurdan pê metodê demokratîkan û dîyalogan çareser bena û PKK zî terefêkê nê dîyalogan o la semedo ke PKK mîyanê lîsteya terorî ya Yewîya Ewropa de ya no mumkîn nêbeno.

 Înîsîyatîfî vat: ''Proseso nikayên û raştîya objektîfe ferz kenê ke PKK wa lîsteya terorî ra bêro vetene. Semedê ney zî xeylêk pratîk û îmkanê huqûqî estê. Rixmê ney zî Rojhelatê Mîyanênî de rolê PKKyî, wextê hêrişanê DAÎŞî de rolê PKKyî û prosesê çareserîye yê 2013-2015î de rolê PKKyî nênê dîyenê. Hêzanê PKKyî  DAÎŞ çin kerdbi û PKKyî nê hêrişan de Mexmûr, Şingal, Kerkûk, Reqa, Girê Sipî, Serêkanîyê, Minbic û Dêra Zorê cerganê DAÎŞî ra xelisnayî. Şerê vera DAÎŞî de bi hezaran gerîlayanê PKKyî dinyaya xo bedilnaye.

Rojhelatê Mîyanênî de û diaspora de têgêrayîşêko xurt ê PKKyî esto. PKK cografyaya Rojhelatê Mîyanênbî de PKK azadîya cinîyan, cuyêka ekolojîke û cuyêka piretnîsîte-dîn-netewe xo rê esas gêno. 

Dewletê serdestî pê 'lîsteyanê terorî' û 'lîsteyanê qedexeyan' têkoşînanê meşrûyan ê şaran reş kenê, netîceya nê pênaseyan de zî kerdişanê îlegalan û zordaran xo rê meşrû vînenê. Mîyanê lîsteya terorî de cakerdişê PKKyî yeno manaya meşrûkerdişê îşxal, talan, qirkerdiş û jenosîdanê vera kurdan. Lîsteya terorî de estbîyayîşê PKKyî beno sebeb ke Tirkîya de her keso ke Erdogan rexne keno bêro destbendkerdene û tepiştene.

Rewşa nikayêne de Hemserekê HDPyî zî tede bi seyan wekîl û hemşaredarê HDPyî, rojnameger, nuştox û hunermendî pê sûcdarîya 'terorî' û 'terorîzmî' tepişte yê. Amerîka, Îngilîstan, Yewîya Ewropa û Konseya Ewropa zî paştî danê nê rejîmê zordarî ke pê bahaneya 'şerê vera terorî' hetê dewleta tirke ra yeno kerdene. Na lîste hema zî semedê nimnayîşê hêrişanê dîktatorîya Erdoganî bi xurtî şuxilîyena.

Seke zanîyeno 2002 de waştişê Tirkîya ser o PKK mîyanê lîsteya terorî ya Yewîya Ewropa de amebi cakerdene. La Dîwanê Edaletî yê Ewropa yê Luksemburgî 2018 de bire daye ke PKK mabênê 2014-2017 de bi neheqî lîsteya terorî de vera dîyayo. Mehkeme bire daye ke done û delîlî qîm nîyê ke PKK mîyanê lîsteya terorî de bibo. Dîwanê Edaletî bale ante vengdayîşê haştîye yê Abdullah Ocalanî yê 2013î ser.

Mehkemeya Berze ya Belçîka zî 2020 de bire daye ke nêbeno ke PKK sey rêxistinêka terorî bêro dîyene, PKK çarçewa huqûqê şerî de bi statuyê terefêkê şerî ganî bêro ercnayene.

Ma sey terefgîranê haştîye, demokrasî, edalet, têdûştîye û azadîye wazenê ke PKK cade lîsteya terorî ra bêro vetene.''

Nê kesan morê xo da binê eşkerayîye:

Elfriede Jelinek – Nivîskar, Xwediyê Xelata Nobelê /Awûstûrya

Slavoj Žižek – Fîlozof/Slovenya

Janet Biehl – Nivîskar, Edîtor û hunermend/DYE

Selay Ghaffar – Parêzvana Mafên Jinan û Berdevka Partiya Piştevaniyê ya Efganistanê

Miguel Urbán Crespo – Parlamenterê Parlamenta Ewropayê/Spanya

Srećko Horvat – Fîlozof/Hirvatîstan

David R. K. Adler – Dîrektorê Giştî yê Progressive Internasyonal

Roberto Rampi – Senator û Parlamenterê Konseya Ewropayê/Îtalya

Paolo Ferrero -  Wezîrê berê û Alîkarê Serokê Partiya Çep a Ewropayê/Îtalya

Gorka Elejabarrieta Díaz, Senatorê Spanî û Berdevkê Têkiliyên navneteweyî yê Partiya Baskê EH Bildu

Prof. Norman Paech – Pisporê Hiqûqa Navneteweyî

Prof. Kariane Westrheim – Seroka Komîsyona Welatiyan a Yekîtiya Ewropa-Tirkiye (EUTCC) /Norwêc

Nils Andersson – Nivîskar û Edîtor/Fransa

Joel Dutto – Endamê Koordînasyona Piştevaniya Kurdistanê/Fransa

Nora Cortinas – Endama Damezrîner a Rêxistina Dayikên Plaza de Mayo/Arjantin

Prof. Achin Vanaik - Aktîvîstê Aştiyê û Profesorê Teqawîtbûyî yê Zanîngeha JNU/Hindistan

Prof. Michael M. Gunter, Sekreterê Giştî yê Komîsyona Welatiyan a Yekîtiya Ewropa-Tirkiye (EUTCC) /DYE

Berthold Fresenius – Hiqûqnas/Elmanya

Prof. Raúl Prada Alcoreza - Zanîngeha San Andres /Bolivya

Roland Denis – Wezîrê Plansaziyê yê Berê/Venezuela

Villo Sigurdsson -  Şaredarê Berê yê Kopenhagenê

Pernille Frahm – Parlamentera berê ya Parlamenta Ewropayê/Danimarka

Benny Gustavsson – Serokê Komîteya Piştevaniya Kurdistanê/Swêd

Erling Folkvord – Parlamenterê berê, Nivîskar/Norwêc

Pia Maria Roll – Şanoger û Dîrektor/Norwêc

Håkan Svenneling – Berdevkê Polîtîkaya Derve ya Partiya Çep/Swêd

Dr. Jonas Staal - Hunermend û lêkolînerê propagandayê û Serokê Civîna Bilind a Cîhana Nû/Hollanda

Dr. Rolf Gössner – Hiqûqnas/Elmanya

Ludo de Brabander – Berdevkê Tevgera Aştiyê ya Belçîkayê Vrede