24ê kanûna 2019î de Hemsereka Verêne ya HDPyî Fîgene Yuksekdag reyna do bivejîya mehkeme. Roniştişê ci ra verî Ewropa de kampanyaya ''Seba Yuksekdage û wekîlanê bînan Azadîye'' dewam kena.

Berlin, Koln, Stuttgart, Kiel, paytextê Awusturya Viyana, paytextê Îngilîstanî Londra û ê Fransa Paris, paytextê Swîsre Bern de û zaf şaristananê Ewropa de xebatê kampanya bîyî zêdêr.

Çarçewa kampanya de derheqê Yuksekdage û wekîlanê bînan ê tepişteyan de bi ziwananê herêmîyan dosyayêk ameye amadekerdene û dosya şaredarîyan, partîyan, sendîkayan, rêxistinanê cinîyan, roşnvîran, dezgehan û hunermendan rê ameye erşawitene. Seba Yuksekdage û wekîlanê bînan ê tepişteyan vengdayîşê hîsgerîye ame dayene û rêxistinanê herêmîyan û koçberan rê zanayîşî ameyî dayene.

Heman wext de veng ame dayene ke şaristananê Ewropa de 20ê kanûne de verê konsolosxaneyanê tirkan de û meydanan de çalakîyê hemdemî do bêrê kerdene.