Endamê Konseya Rayberdişî ya KCKyî Mustafa Karasuyî programêkê taybetî yê Medya Haberî de qisey kerd.

Karasuyî eşkerayîyê Serekê Pêroyî yê MHPyî Devlet Bahçeliyî yê derheqê ''heqê hêvî'' vistvîrî û vat: ''Rayber Apoyî vengdayîşê xo kerd. La semedê nê waşt wa kongre bêro pêser û o bi xo kongre îdare bikero. Nê meseleyî Îmrali de ameyî munaqeşekerdene. Gerek zereyê hewteyêk,10 rojan de şertê Rayber Apoyî biameyêne bedilnayene la qet gamêke nêameye eştene.Vat 'wa vengdayîş bêro kerdene, heqê hêvî yeno erjnayene.' Badê vengdayîşî gerek şertê Îmraliyî biameyêne bedilnayene la nêbi.

Badê vegdayîşî heyet nêşi Îmrali. Mesele kenê derg. Goreyê menfeatê xo têgêrenê. Eslê xo de sozê ke ameyî dayene est ê. Hem sozê Bahçeli hem zî sozê ke Îmraliyî de ameyî dayene est ê. Nê sozî nênî caardene. Ma rixmê nê pozîtîf nizdî benê. Rayberîye zî bisebirî nizdî beno. La yew sinorê nê est o. Vera partîya yew şarî, rayberê ci û rêxistina ci nêzdîbyayîşo winayên nêbeno. No nizdîbîyayîşo cîddî nîyo. Qet erjê vateyêkî çîn o. Xora înan bi xo waştene wa proses lez bêro averberdene. O wext ho ça? Ma sere ra dewleta tirke ra şik kerdêne la seba ke game nêameye eştene şikê ma zêdîyayî. Belka bineyna yeno pawetene, ewnîyeno prosesî ra. La eke game mero eştene, sozê ke ameyî dayene  nêrê caardene ma zî wina nêpawenê.Têgêrayîşê ma zî wina nêpawen. O wext ma cîya erjnenê. No nizdîbîyayîş yeno çi mana ma dahîna eşkera û zelal erjnenê.''

Mustafa Karasuyî vera vatişê Wezîrê Karanê Edaletî Yilmaz Tunçî yê ''heqê hêvî mevzûat û qanûnanê ma de çîn o'' hêrsê xo ard ziwan û vat: ''Ti goreyê kamyew mevzûatî têgêrenî? Her qeyde mevzûat est o. Kam çi vano nêanê caardene. Yewîya Ewropa vana nêanê ca. Tirkîya mîyanê Konseya Ewropa de ya. Qebul kerdo ke qanûnê Yewîya Ewropa serê qanûnê ci de yê. Mehkemeya Heqanê Merdiman a Ewropa zî vana ke heqê hêvî bîyarê ca. Tay qanûnî gerek cade bêrê caardene. Ma zî vat, muxalefetî zî vat. Meclîs serê her çîyî de yo. Qerarê her çî meclîs dano. Qanûnî hetê meclîsî ra yenê vetene. Qanûnê ke Erdogan wazeno vejîyenê, înanê ke nêwazeno nêvejîyenê.''

Karasuyî wina dewam kerd: ''Tay hetî semedê menfeatê xo wazenê wa şer dewam bikero. Coka vera adirbirnayîşî vejîyenê. Nika Rayberîye vengdayîşêk kerd. PKK do kongreya xo bikero, ûca do qerarê fesîhî bibo, têkoşîno çekdar do bêro vindarnayene. No senî ben? Gerek semedê kongre şertê asayîşî bêrê caardene, hêrişî bêrê vindarnayene. Ê diyînî zî gerek Rayber Apo bieşko tewrê kongre bibo, kongre îdare bikero. Semedê çareserkerdişê meseleya kurdan çîyo ke ma wazenê, eşkera yê. Şarê kurdî ziwanê dayîke de perwerde wazeno, îdareyo xoser, nasnameyê xo wazeno. Zextê vera şaredarîyanê CHPyî nînê qebulkerdene. Caardişê Îstanbulî vera prosesê ke ma wazenê aver berê, sabotaj o.  Vera nê gerek pêro demokratî tewir ramojnê.''