Karkerê înşeatî Ahmet Altunkiliçî ANFyî rê qisey kerd û da zanayene ke pereyo ke ê gênê qîmê înan nêkeno.

Altunkiliçî da zanayene ke yewa ci wendekare 2 domanê ci est ê û seba ke bieşko domana xo bido wendene karê bînî zî keno. Altunkiliçî vat: ''Mumkîn nîyo ke merdim pê meaşê asgarîyî hem kîraya xo bido hem zî debara keyeyê xo bikero. Ez bi hawayêkê qeçaxî karanê bînan kena. Hemalî kena, bazaran ra çopan û hurdayan arê dana. 15-20 serrî verî ma eşkayêne neheqîyan protesto bikerê la nika seba ke azadîya ma, destî ra nêşora ma nêeşkenê çîyêkî zî vajê. 

Serekkomar vano 'Ma nêverda çew ninê enflasyonî de birijîyo.' La ma binê ci de mendî. Kîraya mi 900 ra bîya 3 hezar û 500. Fîyatê kitabanê domana mi nêmeyê meaşê mi ra zêdeyêr o. Seba ke tornê mi çîyêkî nêwazo ez ey verê market û dikanan ra nêbena parke. Çunke çîyêkî biwazo zî mi de pere çin o, ez nêeşkena bihêrîna. Ma de aramîye nêmenda la îqtîdar hema zî peyê şerî de yo. Tirkîya ganî hînî nê ekonomîya şerî ra bêra xelisnayene.''