Meclîsê Weşîye yê Kongraya Komelê Demokratîkî (KCD) derheqê rojdemî de eşkerayîyêke daye û bale ante serê tecrîdê serê Rayberê Şarê Kurdî Abdullah Ocalanî ser ke tira xebere nîna girewtene.

Eşkerîye de ame vatene ke ke îqtîdarê AKP-MHPyî seba ke krîzê îdarekerdişî ra vejîyo hêrişê xo yê vera kurdan zêdînaye û ca dîya nînan: ''Bitaybetî demo  peyên de hêrişê îşxalî heme Kurdîstan de zêdîyayî. Başûrê Kurdîstanî de bi paştdayîşê PDKyî şer yeno pîlkerdene. Nê şerê leyminî de gazê kîmyewîyî yenê şuxulnayene. Ganî warê mîyanneteweyî de vera nê qewimîyayîşan nêrazîbîyayîş bêro ramotene. Bêvengîya verê hêrişê îşxalî nîna qebulkerdene. Bitaybetî tewirê PDKyî zaf tehlukeyin o. Şarê kurdî hewceyê yewîye yo. Ganî vera hêrişan ma pêro berpirsîyarîya xo bîyarê ca. Têna pê têkoşînê rêxitinkerdeyî ma eşkenê cuya newîye înşa bikerê.''

Meclîsê Tendurîstîye bale ante şertanê Ocalanî ser û wina vat: ''Semedê heme kaosan ra vejîyayî bitaybetî ameyoxê azadî yê Kurdîstan û heme şaranê Rojhelatê Mîyanênî azadîya fîzîkîye ya Rayberê Şarê Kurdî Abdullah Ocalanî zaf muhîm a. Semedê wedartişê astengîyan tekane rayîr azadîya Ocalînî ya. Pê şertanê tecrîdî yê vera Birêz Ocalanî Komloyê 9ê Teşrîna Verên a 1998î yeno domnayene. Bi rewşa tecrîdî yeno waştene ke azadî û waştişê sîyasî yê şarê Rojhelatê Mîyanênî bêrê şiknayene. Linganê têkoşînê ma yê tewr mumîman ra yew  şiknayîşê tecrîdî û azadkerdişê Birêz Abdullah Ocalanî yo.''