KCD: Tecrîdê Îmraliyî yeno manaya kaos û şerî

KCDyî ard ziwan ke dewamkerdişê tecrîdê Îmraliyî yeno manaya şerî û kaosî û venga dezgehanê heqanê merdiman, hêzanê neteweyan û mîyanneteweyan da ke vera tecrîdî bi berpirsîyarî têbigêrê.

Kongreya Komelê Demokratîkî (KCD) bi wesîleya Hewteyê Heqanê Merdiman eşkerayîyêke weşanaye û bale ante tecrîdê Îmraliyî ser.

Eşkerayîya KCDyî wina ya:

"Wexto ke sîstemo hegomonîk ê kapîtalîzmî keweno dewrê krîzî; bi şer, merg û koçkerdişî heqanê merdiman yenê binpaykerdene. Na çarçewe de roje û hewteyê Heqanê Merdiman de tewir û nêrazîbîyayîşî yê komelanê cîyayan  mojnenê ke rewşa nîkayêne nêna dewamkerdene. Waştişê şarî yê azadîye yo ke bi wisarê Ereban dest pêkerd, bi mîlyonan kesî vejîyayî meydanan û asta ke têkoşînê şarê kurdî yê seserran ame krîzê nikayênî xorîn keno.

Goreyê ma semedo bingeyîn ê krîzî tecrîdê Îmraliyî yo. Fikr û pêşnîyazê Brêz Ocalanî yê Rojhelatê Mîyanênî û mesela kurdan semedê caardişê nê tecrîdî yo. Dewamkerdişê tecrîdî metodê dewamkerdişê nê kaosî yo. Seba ke şer û hêrişî dewam kenê butçeyê şarî yê ekonomîkî yenê çinkerdene û şar bi feqirîye na çareserîye ra yeno dûrvistene. Polîtîka, qetilkerdişê seyan cinîyan, dewamkerdişê sîstemê pederşahîye û rejîmo nikayênî zî bi hawayêkê nizamî dewam kenê. Nê kerdişî pêro binpaykerdişê pîlî yê. Sere de tecrîdê Îmraliyî binpaykerdişê heqanê merdiman nênê qebulkerdene. Na çarçewa de ma venga dezgehanê heqanê merdiman, hêzanê neteweyan û mîyanneteweyan danê ke wa vera tecrîdî bi berpirsîyarî têbigêrê."