KCDK-E eşkerayîyêka nuştekîye daye û seba çalakîyanê 23ê nîsane veng da.

KCDK-E eşkerayîye de pare kerd ke pêvînayîşê Erdogan û Mesrûr Barzanîyî ra dima dewleta tirke ya îşxalkere vera Herêmanê Pawitişî yê Medya kerd. KCDK-E vat: ''Bêvengîya vera nê hêrişan yena manaya tesdîqkerdişê qirkerdiş û îşxalî. Ganî şar, partî û roşnvîrê Başûrî vera nê hêrişan tewirêk bigêrê. Dewleta tirke mîyanê krîzêkê pîlî de ya û seba ke nê krîzî ra bixelisa hêrişê kurdan kena, hemkarîya xo ya bi PDKyî zî nênimnena.

Ma eşkenê pê pîlkerdişê xoverdayîşê xo nê hêrişan vindarnê û çin bikerê. Ganî şarê ma nê prosesê hîsgêrî, xîyanetî bivîno û seferber bibo. Ma venga şarê xo danê ke vera nê hêrişan bi ruhê yewîye têbigêro. Tek çareserîye xoverdayîş û têkoşîn o. 

Sey KCDK-E ma venga roşnvîr, hunermend, dezgeh û partîyanê kurdan danê ke bi ruhê yewîya neteweyîye vera dewleta tirke erkê xo yê welatperwerîye bîyarê ca. Bêvengîye xizmetê polîtîkayanê qirkerdişî yê dişmenî kena. Ganî her ca de ma vejîyê meydanan. Ma venga pêro şarê xo danê ke 23ê nîsane de welatanê Ewropa, Kanada û Avustralya de tewrê çalakîyan bibo.''