Dîwanê Hemserekîye yê KCDK-E bi eşkerayîyêk derheqê tewrbîyayîşê Erdoganî yê Forumê Cenevre de vengdayîşê çalakîyanê protestoyî kerd.

KCDK-E pare kerd ke Erdogano dîktator, kiştoxê domanan, dişmenê demokrasîyî û azadîya cinîyan 17-18ê kanûne de tewrê Forumê Multecîyan ê Globalî yê 1. ê Ofîsê Cenevre yê NYyî bibo.

KCDK-E vat: "Edogan dîktatorêko winasên o ke domanan kişebo, Tirkîya û Vakurê Kurdîstanî de zorbazîye û teda keno û bi hişmendîya DAÎŞî têgêreno. Cerganê ci yê barbaran Şengal de kurdê êzidîyan, Iraq de asûrîyî, Rojawan de şarê Kobanê kiştî û gonî rijnaye. Sere de Swîsre ma venga kurdîstanijan, dostanê înan û zerrîwazanê merdimîye danê ke vera Erdoganî çalakîyanê protestoyî yê pîlan bikerê. Ma venga şaranê Ewropa danê ke vera nê dîkatorî bêveng nêmanê, seba haştîye û demokrasîyî bivejîyê meydanan.17-18ê kanûne de kombîyayîşî ra verî Ofîsê Cenevre yê NYyî de meydanan de bibê û pêro pîya vajê 'Erdogano kiştox def be',' kiştoxê domanan Erdogan', 'şefê DAÎŞê barbarî Erdogan ti xêr nêameyî'  "