Dîwanê Hemserekîye yê KCDK-E bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan eşkerayîyêke daye.

KCDK-E eşkerayîya xo de ard ziwan ke şîdetê vera cinîyan hem hetê camêrdan ra û hem zî hetê dewlete ra dewam keno û qirkerdiş, şîdet, tacîz, tecawuzê cinîyan hetê dewlete ra yenê teşwîqkerdene.

KCDK-E vist vîrî ke cinîyê Rojawanî vera sîstemê serdestîya camêrdan bi têkoşînê vera DAÎŞî ser kewtî û nika zî seba dinya bîyî mîsalê modelê cuya azade.

KCDK-E vat: ''Fikrê azadîpawitoxîya cinîyan a Rayber Apoyî Rojawan de kewt dewte û pêro dinya ra vila bi. Goreyê doneyanê 2019î yê Neteweyan ê Yewbîyayeyan 80 hezar cinîyî kişîyayî û mîlyarêk cinîyî zî vera şîdetî bêpawitiş mendî. Vera qirkerdişê cinîyan temsîlîya têdûşte, xopawitiş û xorêxistinkerdişê cinîyan meşrû yê û ganî pê qanûnan bêrê pawitene. Hêzo bingeyî yê avernayîşê komelî cinî yê. Ma pêro cinîyanê têkoşeran rê bi wesîleya 25ê Teşrîna Peyêne selamê paştdayîşî kenê.''