KCDK-E: Seba ma peymana şaran esas a, yê îqtîdaran ney
KCDK-E îfade kerd ke şarê dinya wayîrê 2ê Teşrîna Peyêne ya Roja Rojawanî vejîyayî û pare kerd: "Peymana şaran seba ma esas a, yê îqtîdaran ney."
Dîwanê Hemserekîya KCDK-E derheqê hêrişanê îşxalî yê Dewleta Tirkan û xoverdayîşê şaran ê vera îşxalan de beyanatêk weşana.
Beyanatê KCDK-E wina yo:
"2ê teşrîna peyêne de bi seyan merdimî vejîyayî meydanan û wayîrê xoverdayîşî vejîyayî. Afganîstanî ra heta Awustralya, Amerîka ra heta Ewropa û Amerîkaya Latîne her parçeyê dinya ra her kes bi coşî wayîrê xoverdayîşî vejîya. Şarê Kurdan qerardar o ke xo ver bido. Artêşa Tirkan û çeteyê aye bi hawayêkê barbarî hêriş kenê, çekanê kîmyewî xebitnenê, qirkerdişan, dizdîye û talanan kenê. Şarê Kurdan vera nê zulman heta peynîye do xo ver bido.Seba ma peymana esase ya îşxalkeran nîya û ma do na komploye çin bikê. Ma kurdîstanijan û şaranê dinya rê sipas kenê ke 2ê teşrîna peyêne de 7 parzemînan de vejîyayî meydanan.
Kurdistanijî û dostê înan heta ke Artêşa Tirkan erdê Rojawanî ra şora do xo ver bidê. Hêz û dezgehê mîyanneteweyî zî herinda şermezarkerdişê Dewleta Tirkan de ganî seba qedînayîşê qirkerdişan tev bigêrê. Nêbo ê zî do bibê hemparê Dewleta Tirkan."
