KCDK-E vera hêrişanê Dewleta Tirkan û cerganê aye yê ke dewanê Til Xelefe de dewam kenê venga kurdan û dostanê înan da ke bivejîyê meydanan.

Dîwanê Hemserekîya KCDK-E beyanatê nuştekî de wina vat: "Artêşa Tirkan û cergê aye vera dewanê Til Xelefe hêrişanê îşxalî kenê ke nê hêrişan de zaf sivîlî qetil kerdî. Artêşa Tirkan vera dewanê Til Xelefe û bi taybetî vera hemwelatîyan ê ke rayîrê M4î ya xeta Eyn Îsayî de xo ver danê hêrişê xo giran kerdî.Artêşa Tirkan a qirkere û îşxalkere bi teyarayanê keşfî yê bêmerdiman û biçekan reyna bi çekanê giranan dewanê Kasimîye, Erîşa, Daûdîye yê Til Temîrî yê ke vera îşxalê tirkan û cerganê aye kewtî meydanan, zaf sivîlî qetil kerdî. Birîndarê ke rewşa înan giran a, ameyî berdene bi nêweşxaneyê Heseke. Ma sey KCDK-E vera hêrişanê qirkeran û qetlîaman ê Dewleta Tirkan veng danê ke her ca de dost û paştgîrê ma wurzê payan ser û protesto bikê."