Buroyê Huqûqî yê Asrinî dabi zanayene ke Rayberê Şarê Kurdî Abdullah Ocalanî êlula 2022yî de zîyaretê Îmraliyî de pêvînayîşê bi CPTyî red kerdo. KCDK-E derheqê babete de eşkerayîyêke daye.

Eşkerayîye de ame vatene ke 20 mengî yo Rayberê Şarê Kurdî ra xeberêke nêna girewtene û eşkerayîya Asrinî ra dima qesawetê serê asayîş û weşîya Rayberê Şarê Kurdî asta berze de yê. KCDK-E pare kerd ke hayîya CPTyî pê weşî û asayîşê Rayberê Şarê Kurdî çin a.

KCDK-E vat: ''Dewleta tirke vera tecrîdî kena giranêr û CPT zî vera nê tecrîdî erkê xo nêkenê. Eke Rayberê Şarê Kurdî avûkatanê xo reyde pêvînayîşî bikerê o çax qesawetê ma do biqedê.

Waştişê ma nê yê:

Ganî cade Rayberê Şarê Kurdî avûkatanê xo bivîno.

Sere de CPT û Konseya Ewropa dezgehê mîyanneteweyî bi lezî têbigêrê û pêvînayîşî bikerê.

Ma venga şarê kurdî û dostanê kurdan danê ke heta ke nê waştişî bêrê qebulkerdene bi çalakîyan wayîrê Rayber Apoyî vejîyê. Ma venga pêro şarê xo û dostanê ke danê ke bi hawayêkê aktîfî beşdarê çalakîyanê 3ê kanûne bibê ke do Ewropa, Kanada û Avusturalya de bêrê kerdene.''