Dîwanê Hemserekîye yê KCDK-E beyanatêko nuştekî weşana û vengdayîşê hunermend û roşnvîran ê seba yewîya neteweyî selam kerd

Beyanatê KCDK-E wina yo: "Ma rayaumûmîye reyde pare kenê ke ma babeta yewîya neteweyî seba xo sey berpirsîyarîye vînenê. Şarê Kurdîstanî, hunermend û roşnvîranê kurdan seba yewîya neteweyî veng da. Vengdayîşê ma seba pêro partîyanê kurdîstanijan o ke babeta yewîya neteweyî her çî ra ver bifikîrê. Caardişê yewîya neteweyî wezîfeyêko tarîxî yo. Eke partîyê kurdîstanijî kongreya neteweyî de bêrê pêser na seserre do biba seserra kurdan. Sey KCDK-E ma reyna îfade kenê ke ganî partîyî, dezgehî, roşnvîrî û hunermendî nê firsendê tarîxî bixebitnê û seba yewîya neteweyî gamêke bierzê." KCDK-E beyanatê xo de rayraşîyayîşê yewîya neteweyî vistî vîrî ke 5-6ê kanûne de Lozan-Cenewre û 7ê kanûne de pêro dinya de do bêrê kerdene.  Seba çalakîyan KCDK-E venga partîyan, dezgehan, hunermendan, roşnvîran da ke komîteyêka hempare awan bikê û plansazîya hempare bikê.