Ciwananê kurdan û enternasyonalîstan vizêr bajarê Bielefeldî yê Almanya de çarçewaya hemleya ''Rayber Addullah Ocalanî rê azadîye, meseleya kurdan rê çareserîya sîyasîye'' de bi konferansî dest pê Rayraşîyayîşê Dergî kerd. Rayraşîyayîş do heta 20ê êlule dewam bikero. Kongreya Komeleyanê Demokratîkan ê Kurdîstanijan a Ewropa  (KCDK-E) veng da ke wa her kes semedê nê rayraşîyayîşî bibo seferber.

Eşkerayîye de ame vîrvistene ke Rayraşîyayîşo Dergo tewr verên Almanya de serra 1983 de badê xebera şehadetê Mazlûm Doganî amebi kerdene û rayraşîyayîşê 17 rojan de şehîdan Hozan Sefkan, Kasim Engin û Hozan Mizgîne zî ca girewtbi û ame  vatene ke hêriş û qirkerdişê dewleta tirke qet nêqedîyayî.

Eşkerayîye de nê ameyî vatene: ''Bi fikrê netewa demokratîke ya Rayber Apoyî mumkun o ke şerî bêrê qedînayene û haştîye bêro.Seba ke şarê kurdî estbîyayîşê xo bidomno û bibo azad azadîya fîzîkîye ya Rayber Apoyî zaf muhîm a. Azadîya Rayber Apoyî azadîya şarê kurdî û şaranê bindestan a. Ciwanî vera tecrîdê vengê xo kenê berz û mabênê 16-20ê êlule de Almanya de her roje bajaranê cîya cîyayan de Rayaraşîyayîşê Dergî do bikerî. Ciwanê kurdan û enternasyonalîstan do bajaranê Bielefeld, Hamm, Dortmund, Essen û Duisburgî de semedê azadîya fîzîkîye ya Rayber Apoyî vejîyê waran.

Ma sey KCDK-E veng danê şarê xo yê welatperwerî û dostanê xo ke wa semedê rayraşîyayîşî bibê seferber.''