Dîwanê Hemserekîye yê KCDK-E bi beyanatêkî seba boykotkerdişê mal û turîzmê tirkan veng da. Beyanatî de ame vîrvistene ke Dewleta Tirke vera kurdan hêrişanê qirkerdişan de her şewe çekanê kîmyewîyan xebitnena.

Beyanatê KCDK-E wina ame vatene: "Çimeyê ekonomîya tirkan ê bingeyênî turîzm û malê ci yê. Dewleta Tirke bi mîlyonan euroyî yê ke turîzm û malanê xo ra peyda kena seba hêrişê kurdan, rijnayîşê gonîya kurdan xebitnena. Naye ra boykotkerdişê malan û turîzmê tirkan wezîfeyêko neteweyî û merdimîye yo." Beyanatî de venga pêro kurdan, dostanê kurdan, demokratan, pawitoxanê haştîye, ekolojîstan, femînîstan, çekgîran, roşnvîran, hunermendan ame dayene ke tewrê kampanyaya boykotî bibê. Beyanatî de ame vatene, "Ganî Kurdistanijî û dostê înan bizanê ke her qurişê înan şino Tirkîya û beno gule û gêreno yeno şarê kurdan ser û kurdan qir keno."