Kongreya Komelê Demokratîkî ya Kurdîstanijanê Ewropa (KCDK-E) bi eşkerayîyêka nuştekîye venga pêro kurdîstanijan da ke vera qedexe û polîtîkayanê krîmînalîzekerdişî yê Almanya 26ê teşrîna peyêne de tewrê çalakîyan bibê.

KCDK-E dîyar kerd ke kurdan çar parçeyanê Kurdîstanî de bi fedakarî û bedelanê giranan, bi têkoşînî destkewteyê ercîyayeyî vistê destî. KCDK-E îfade kerd ke têkoşînê kurdan bi paradîgmaya xo Rojhelatê Mîyanênî de serkêşîya cuya hempare û şorişê cinîyan keno.

KCDK-E vat: ''Dewleta tirke pê hêrişanê vera Rojawanî qirkerdişê kurdan û gandarkerdişê DAÎŞî armanc kena. Ma venga komelê mîyanneteweyî danê ke polîtîkayanê krîmînalîzekerdişê kurdan ra fek vera bido. Ganî pêro merdimatîye bi ruhê Kobanê nê hêrişanê gemarinan vindarna. Ma venga pêro dezgeh û hêzanê mîyanneteweyîyan danê ke bi ruhê Kobanê bibê seferber û heta ke nê hêrişî biqedê bêmabên çalakîyanê demokratîkan bikerê.

Ma bi beşdarîya FED-KURD û FED-DEMî vera krîmînalîzekerdişê kurdan, hêrişanê serê Rojawanî û qirkerdişê vera şaranê Rojhelatê Kurdîstanî Dusseldorf, Paris, London, Stockholm sere de Avusturya, Danîmarka, Swîsre, Hollanda, Belçîka, Fransa, Kanada, Kibris, Yunanîstan û Avusturalya de tay çalakîyan bikerê. Ma venga pêro kurdîstanijan danê ke vera 26ê teşrîna peyêne de tewrê nê çalakîyan bibê.''