KCDK-E û TJK-E do seba azadîya Rayberê Şarê Kurdî Abdullah Ocalanî û çareserîya demokratîke ya meseleya kurdan mabênê 1ê teşrîna verêne-16ê teşrîna peyêne de çalakîyan bikerê. 16ê teşrîna peyêne de zî şaristanê Kolnî yê Almanya de rayraşîyayîşêko pîl do bêro kerdene.

Temsîlkaranê dezgehanê kurdan derheqê babete de eşkerayîyêke daye çapemenîye. 

Hemserekê KCDK-E Engîn Severî eşkerayîye daye. Severî îfade kerd ke çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de ganî her roje çalakîyan bikerê. Severî vat: ''2025 de armancê ma yo verên azadîya Rayber Apoyî ya. Ma menga teşrîna peyêne de hem seba wedarîyayîşê qedexeyê vera PKKyî hem zî seba azadîya Rayber Apoyî çalakîyan bikerê. Wa her kes tewrê nê çalakîyan bibo. Wextê azadîye nêzdî yo.''

Hemsereka KCDK-E Zubeyde Zumrut vat: 'Teşrîna verêne hem serrgêra destpêkê Komployê Mîyanneteweyî ya hem zî serrgêra Hemleya Azadîye ya. Tecrîd her kes şino beno vila û beno sebebê krîzan. Ma do mabênê 1ê teşrîna verêne û 16 teşrîna peyêne meydanan de yê. 16ê teşrîna peyêne de zî Koln de ma rayraşîyayîşêkê pîlî bikerê. Ma venga pêro kurdîstanijan danê ke seba azadîya Rayber Apoyî biherikê Kolnî.''

Vervatoxa TJK-E Aytene Kaplan vat: ''Seba şiknayîşê îxanet, tecrîd û polîtîkayanê qirkerdişî 16ê teşrîna peyêne de ma bi ruhê seferberî tewrê çalakîya Kolnî bibê. Ma do Koln de pabeyê şarê xo bibê.''