KCDK-E veng da ke vera hêrişanê giranan ê dewleta tirke yê vera Minbicî war her kes bibi seferber û vat ganî verê Neteweyanê Yewbîyayeyan û dezgehanê eleqedaran ê bînan ê Ewropa û Konsolosxaneyanê Tirkîya de cade çalakîyê bêmabênî bêrê kerdene.

“Dewleta tirke ya îşxalkere bi teyarayanê şerî û çeteyanê xo seba ke Minbicî îşxal bikero hêrişanê giranan kena. Dewleta tirke seba ke badê Esadî herême de hegemonyaya xo bido rayraberdene wazena kurdan qir bikero. Şarê ma yo ke Ewropa de ciwîyeno ganî tehlukeyê şerî ke Rojawanî paweno bîyaro rojdemê dinya.Ganî ma bibê vengê şaranê ke Rojawan de azad ciwîyenê. Vera hêrişanê ke dewleta tirke û çeteyanê ci ganî ma verê dezgehanê Ewropa bêrê pêser û nêrazîbîyayîş bimojnê ra. Ma sey KCDK-E veng danê ke wa şarê ma heme waranê Ewropa de wirzo payan ser û bi seferberîye wayîrê Mibicî bivejîyo.''