Hemserekîya Rayberdişî ya KCKyî derheqê şewatê Mêrdîn û Amedî eşkerayîye daye û nê vatî:

''Şewatê Mêrdîn û Amedî de bi sebebê felakete. Erazîya bi desan dewan vêşayî û xeylêk kesan dinyaya xo bedilnaye. Xeylêk kesî birîndar bîyî ke mîyanê înan de birîndarê giranî est ê. Seba ke şarê ma kewt na rewşa girane ma zaf qehrîyayî. Ma merdimanê xo rê înan ke dinyaya xo bedilnaye, homayî ra rehmet wazenê, keyeyanê înan rê û şarê xo rê serweşîye wazenê.

Seba ke şarê ma cade bi seferber û bi heme îmkananê xo vazda gazîya şarê ke raştê felakete şewatî ameyo, verê felaketêka girde ame girewtene. Reyna dezgehanê demokratîkan de îmkanê xo seferber kerdî. Ma semedê na tewirê şarê xo teqdîr kenê û şarê xo pîroz kenê. Reyna ame vînayene ke ne dewlete ne zî îqtîdar qet eleqedarê şarê kurdî nêbeno. Xora sebebê nê dejan ê bi xo yê. Dezgehê DEDAŞî yo ke bîyo sebebê nê şewatî, leteyêkê polîtîkayanê qirkerdişî yo.  

Şarê ma xora ganî nê îqtîdar û na dewlete ra hesab biperso û do biperso zî. La nika ganî derbanê xo bipêşo. Şarê ma ganî rêxistinîya xo dahîna girde bikero, bi îradeyê xo yê rêxistinkerdeyî liganê xo ser vindero û bibo hêzê çareserîye. Şarê ma eşkeno heme problemanê xo çareser bikero. Dewlete dişmenê şarê kurdî ya. Şarê ma wa dewlete ra çîyêk mepawo çi hewce keno wa bikero.''