Hemserekîya Konseya Rayberdişî ya KCKyî bi eşkerayîya nuştekîye şehîdê menga gulane yad kerdî û nê vatî:

''Menga gulane de  hem têgêrayîşê azadîye yê Kurdîstanî de hem zî têgêrayîşê sosyalîstî yê Tirkîya de kadroyê muhîmî şehîd bîyî. Sere de Hakî Karero ke şehîdê Têkoşînê Azadîye yê Kurdîstanî yo verên o û Rayber Apoyî tira vatêne ruhê min o nimete, serkêşê şarî yo pîl Halîl Çavgun, hemrayî Ferhat Kurtay, Necmi Oner, Eşref Anyik û Mahmut Zengîn înan ke Zîndanê Dîyarbekirî de vera zulmî bedenê da adirî ver xeylê şorişgêrî pîlî menga gulane de şehîd bîyî. Ma şexsê nînan de heme  şehîdanê menga gulane û şexsê şehîdanê menga gulane de heme şehîdanê şorişî bihurmet û mînetî yad kenê.

Hemrayî Fuat-Alî Haydar Kaytan û Riza Altun ê ke sey Hakî Karerî hemerayê verêne ke Rayber Apoyî reyde kewtî rayîr, tarîxanê cîya cîyayan de şehîd bîyî û şehadetê înan menga gulane de ame eşkerakerdene. Nê zî vîrameyîşê menga gulane nê emserî dahîna bi mana kerd. Seba ke şarê ma çar parçeyanê welatî û teberê welatî de hemrayan Fuat û Rizayî yad kenê, nê hetî ra zaf erjîyaye û bimana yo.

Menga gulane de çar kadroyê muhîmî yê têgêrayîşê sosyalîstî yê Tirkîya şehîd bîyî. Denîz Gezmîş, Huseyîn Înan û Yusuf Arslan ameyî îdamkerdene û Îbrahîm Kaypakkaya bi îşkenceyî ame qetilkerdene. Nê serkêşanê têgêrayîşê sosyalîstê yê Tirkîya eynî wextî de têkoşînê hemparî yê şarê tirkî û kurdan rê zî serkêşîye kerde û têkoşînê ci da. Rayber Apoyî tewirê înan zaf muhîm dî û têkoşînê xo de no da domnayene û dahîna aver berd.

Şêhîdê ma afirnayoxê têkoşînê ma û heme erjanê ma yê. Bi na raştîye ma raştîyê şehîdan dahîna xorî nas bikerê û dahîna zaf wayîrê vîrameyîşê înan bivejê. Na çarçewe de gerek ma semedê averberdişê  têkoşînê azadîye û komelê demokratîkî dahîna zaf xîret bikerê. Gerek her kes bi nê waştişî dormeyê şehîdan de bêro têhet û dahîna zaf wayîrê vîrameyîşê şehîda bivejo. Şehîdê ma afirnayox û temsîlkarê raştî yê têkoşînê ma yê. Şehîdî bêmerg ê.''