Kongreya 12ine ya PKKyî mabênê 5-7ê gulane de amebî kerdene.

Delegeyanê Kongreya 12ine ya PKKyî ra Cuma Bilikîyî wina qisey kerd:

‘’Warê polîtîkî de ganî ma gamanê cîyayan bierzê. Eke Başûr de lazim bo ganî ma hemleyanê cîyayan bikerê, Rojhelat de ma hemleyanê cîyayan bikerê. Eke dewleta tirke hîs nêkera ke ma eşkenê aye parçe bikerê do game nêerza. Ganî dewleta tirke hinî heqanê kurdan qebul bikera. 

Embazan qalê wayûbiratîya şaran, pawitişê sînoran, pawitişê dewlete kerd. Ganî ma nê ziwanî biteriknê. Pawitişê sînoran pabesteyê Rayberîye yê. Eke dewlete nêwaza parçe biba ganî gaman bierza. Eke Rayber Apo azad nêbo, embazê tepişteyî vera nêdîyê û heqê kurdan nêrê dayene ma gama cîyaye bierzê. 

Rayber Apoyî nêzdîbîyayîşêko stratejîk mojna. Ma perwerê stratejîya Rayber Apoyî yê. Ma bi na stratejî bawer ê. La eke dewleta tirke xo nêzdîya komelê demokratîkî nêba ganî alternatîfê înan ê cîyayî est bê. Ganî ma ney bi îşxalkeran bidê hîskerdene.’’