Hemserekîya Konseya Rayberdişî ya KCKyî  bi wesîleya Komployê 9ê Teşrîna Verêne ya 1998î yê vera Rayberê Şarê Kurdî Abdullah Ocalanî eşkerayîyêke daye.

Eşkerayîye wina ya:

''Komployê 9ê Teşrîna Verêne 26 serrî xo pey de verdayî. No komployo ke şexsê Rayber Apoyî de vera pêro kurdan û şaranê bindestan ameyo kerdene ma ey û pêro hêzanê komplogeran ancî şermezar kenê.

Komployê vera Rayber Apoyî şarê kurdî, têgêrayîşê azadîye û milîtanê têkoşînê azadîye zerrî ra dejnayî û hêrs kerdî. Çalakîkeranê 'Şima Nêeşkenê Tîja Ma Tarî Bikerê'' nê hêrsî vurnayî çalakîyan û mojna ke ganî ma verê komployî de senî têbigêrê. Şarê ma û têgêrayîşê ma xeta nê çalakîkeran de vera komployî têkoşîno bêmabên kerd û têkoşîn na xete ser de bi pîlêr. Ma şexsê Halît Oral, Aynure Artan, Selamet Menteşan de şehîdanê çalakîyanê 'Şima Nêeşkenê Tîja Ma Tarî Bikerê' bi rêz û minetî yad kenê. Ma soz danê ke xeyalanê înan bîyarê ca.

Komployê 9ê Teşrîna Verêne de hêzanê herêmî û mîyanneteweyîyan Sûrîye ser de teda kerde coka Rayber Apo Sûrîye ra vejîya û bi nê hawayî Komployê Mîyanneteweyîy dest pêkerd. Nê hêzî seba netîceyanê têkoşînê Rayber Apoyî û PKKyî de ameyî pêser. Serkêşîya nê hêzanê hegemonîkan Amerîka, Brîtanya û Îsraîlî kerde. No komplo sey operasyonê NATO-Gladioyî yo hempar bi. Welatanê Ewropa Amerîka, Brîtanya û Îsraîlî ra ber zî tay welatanê bînan zî destek na nê komployî.

Çunke Amerîka û hêzanê modernîteya kapîtalîste Rayber Apo û PKK seba xo sey astengî dîyê. Coka sere de Amerîka û Îsraîlî xeylêk hêzanê modernîteya kapîtalîste kerd ke PKKyî çin bikerê. Înan bi hawayêkê tamî paştî daye dewleta tirke ya qirkere. Seba dîzaynê Rojhelatê Mîyanênî serkêşîya Amerîka de planê komployî ame aktîfkerdene. Nê hêzan waştêne ke PKKyî çin bikerê û Rojhelatê Mîyanênî newe ra dîzayn bikerê. Coka Komployo Mîyanneteweyî çarçewa Şerê Dinya yê Hîrêyînî de ame caardene. 

Ancî komployî armanc kerd ke xeta îxanetî ancî gandar bikero û Kurdîstan de hêzdar bikero. Komployî de erk dîya xeta kurdanê hemkaran, bi taybetî Başûr de seba averberdişê na xete xiret ame kerdene. Yanî rolê kurdanê hemkaran komplo de pîl bi. Coka famkerdişê Komployê Mîyanneteweyî bi famkerdişê xeta xayînîye beno. 

Komployî hedef kerd ke Rayber Apo û PKKyî bêtesîr bikerê û bi nê hawayî Rojhelatê Mîyanênî de modelê înan ê alternatîfê cuya azade tasfîye bikerê. Îsraîlî seba ke Rojhelatê Mîyanênî de rolê xo dîyar bikero komplo de hendê rolêko aktîf girewt. Ewro zî Ewropa û Amerîka verê Îsraîlî akenê û hetê bînî ra zî çarçewa komployî de tecrîdê mutleqî rê dewam kenê. Tîya ra eşkera beno ke Erdogan zî hemkarê înan o.  Hêzê modernîteya kapîtalîste seba menfaetanê xo sîstemê Îmraliyî anê ca. Erdogan û AKP zî plananê komplogeran anê ca û planê qirkerdişê kurdan îdare kenê. AKP seba caardişê nê planan bi destê komplogeran ame kerdene îqtîdar.

Komployo Mîyanneteweyî teyna vera têkoşînê kurdan ney vera xeta azadîgîre ya Rojhelatê Mîyanênî zî ameyo kerdene. Komployê 9ê Teşrîna Verêne hêrişê vera merdimatîye û şaran bi. Coka têkoşînê vera komployî zî têkoşînêko îdeolojîk û sîyasî yo. Rayber Apoyî vera ferasetê modernîteya kapîtalîste ferasetê modernîteya demokratîke awan kerde û bi nê hawayî çeka tewr bitesîre daye cinîyan, şaran û merdimatîye. Ewro bi averberdişê Hemleya Azadîye ya Globale safhaya têkoşînê vera komployî resaye cayêkî. Hemleya Azadîye do caardişê armancanê xo de ser bikewa. Bi nê ferasetî serra ci ya 27ine de ma ganî vera komployî Hemleya Azadîye pîlêr bikerê û heta caardişê azadîya Rayber Apoyî komplo pûç bikerê.''