Hemserekîya Konseya Rayberdişî ya KCKyî bi wesîleya wefatê afrîkaya başûrîj û wayîrê Xelata Azadîye ya Nobelî sermetran Desmond Tutuyî bi nameyê Rayberê Şarê Kurdî Abdullah Ocalan û şarê kurdî mesajê serweşîye pare kerd.

Eşkerayîya KCKyî wina ya:

''Ma bi dejê pîlî wefatê sermetran Desmond Tutuyî yo ke aktoranê muhîman ê têkoşînê demokrasîyî û azadîye yê Afrîkaya Başûre û dostê kurdan bi, eşnawit. Ma bi nameyê Rayber Apoyî şarê kurdî keyeyê ci, heme dostanê ci û şarê Afrîkaya Başûre rê serweşîye wazenê.

Desmod Tutuyî sey dostêkê kurdan seba ke kurdî bibê azad çîyo ke destê ci ra ame kerd. Reyna semedê azadîya fîzîkîye ya Rayber Apoyî zî keda pîle daye. Tutu dostê kurdan bi. Pîya bi grûbêka demokrat û roşnvîran ê ke warê mîyanneteweyî de yenê naskerdene waştbi Rayber Apoyî dir pêvînayîş bikero. La dişmenê şarê kurdî AKPyî destûr nêdabi. Seba ke Afrîkaya Başûre de dostîya kurdan aver şiro rolêko gird kay kerd.

Ma sey şarê kurd û Têgêrayîşê Azadîye Desmond Tutuyî rê zaf çî deyndarê. Şarê kurdî do ey çirey xo vîra nêkero û tim mezg û zerrîya xo de bido ciwîyayene. Hinî dewaya azadîye ya kurdan dewaya ey ya zî. Ma zî semedê caardişê waştişê ey do têkoşînî pîlêr bikerê. Desmond Tutu do tim Kurdîstanê azad û demokratîkî de bêro ciwîyayene.

Desmond Tutuyî Rayber Apoyî ra zaf hes kerdêne û fîkrê ci teqdîr kerdêne. Rayber Apoyî zî Desmod Tutuyî ra hes kerdêne. Na dostîye do tarîx de cayê xo bîgêro û mabênê şarê kurdî û şarê Afrîkaya Başûre de do bibo pirdêko zixm. Ma pê bawerê ke Desmond Tutu do tarîxê merdimîye de cayo ke heq keno de cayê xo bîgiro.''