Komîteya Şar û Bawerîyan a KCKyî bi eşkerayîyêke semedê wefatê Pîr Alî Buyukşahînî yo ke rîyê janê Korona ra dinyaya xo bedilnaye, serweşîye waşte.

Eşkerayîye de nê ameyî parekerdene: ''Ma bi dejê xorînî eşnawitene ke ewladanê Ocaxê Uryan Xizirî ra Pîr Alî Buyukşahînî wefat kerdo. Ma semedê werfatê Pîrî ke mîyanê komelê elewîyan de yeno naskerdene û heskerdene sere de keyeyê ci yê erjayeyî rê ewladanê Ocaxê Uryan Xizirî rê serweşîye wazenê.

Wefatê Pîr Alî Buyukşahînî ser de semedê Ocaxê Uryan Xizirî semedê Ocaxanê Elewîyan ê Kurdan ê Reya Heqî dejo pîlo ke herinda ci do zor bêro dekerdene.

Pîr Alî Buyukşahîn sey roşnvîr û entelektuelêkî semedê elewîyan zaf xizmet kerd. Têna sey rayberê bawerî nê mîyanê şarî de sey zanyarî ameyêne qebulkerdene.  Têna bi meseleyanê elewîtîye nê meseleyanê komelkî rê zî eleqedar bi. Coka hetê şarê Bulamî û heme talîbanê xo tim hurmet dîyênî.

Ma pê bawer ê ke sere de Elewîyê Kurdî yê Reya Heqî heme canê elewî do wayîrê ercanê sey Pîr Alî Buyukşahînî bivejîye. Bêşik wayîrvejîyayîşê şexsîyatanê sey Pîr Alî Buyukşahînî wayîrvejîyayîşê ziwan, kultur, tradîsyon, bawerî û nasnameyê elewîyan o.

Elewîtîye yew rayîr a. Ocaxî mekanê vîrê nê rayîrî, Pîrî sey kiriştoxê nê vîrî û tarîxî murşîtê nê rayîr ê.  Pîrîye semedê bawerîya elewîtî zanîstîya ke ruhê zemanî temsîl kena.  Na çarçewa de ma veng danê heme Pîran ke wa  waştiş û hewceyanê elewîyan rê bibê cewab û nê rayîrî bidê ciwîyayene.

Ma reyna vanê sere de Ocaxê Uryan Xizirî wa sereyê  heme ocaxzadeyan weş bo. Ma dejê cananê elewîyan pare kenê. Wa dewrê ey daîm bo.''