Kemal Kurkut Newroza Amedî ya 2017î de bi guleyê polîsêkî amebi qetilkerdene. Serrgêra 5. ya qirkerdişê ci de Kurkut serê gorê xo de qezaya Betalgazî ya Meletî de ame yadkerdene.

Yadkerdiş de kemano ke Kurkutî tira zaf hes kerdêne ronîya serê gorê ey ser. Keyeyê Kurkutî, Wekîlê HDPyî yê Êlihî Mehmet Ruştu Tîryakî, endamê Rêxistina HDPyî ya Meletî beşdarê yadkerdişî bîyî.

Dadîya Kurkutî Sîncane Kurkut serê gorê lajê xo de bi kurdkî lorikî vatî.

Wekîlê HDPyî Tîryakîyî yadkerdiş de qisey kerd û vat: ''Kemal Kurkut têna Meletî de Amed de nê pêro şaristanan de yeno yadkerdene. Kemal Kurkut qetî do nêro vîrakerdene û her Newroze de do bêro yadkerdene.