Bi hezaran koçberê ke zafê ci kurd ê, sînorê Polonya-Belarusî de trajedîyêke de têrî yê. Heta nika 9 koçberan şer û mercanê zoran û hewayî ra dinyaya xo bedilnaye. Wekîla HDPyî Serpîle Kemalbay derheqê babete de ANFyî rê qisey kerd.

Kemalbaye da zanayene ke nika dinya ser o meseleya tewr pîle meseleya koçberan a û vat: ''Nê koçberî Sûrîye, Iraq û Afganîstanî ra şîyî uca û nika sînorê Belarusî de sey Tirkîya rewşe vurîyaya bazarîya koçberan. Senî ke Erdogan koçberî vera Ewropa sey çeke xebitnena sînorê Belaru-Polonya de zî heman rewşe qewimîyena. Merdimî hê hîpotermî (cemidîyayîş) ra mirenê. Semedo ke koçberî zêdêr mexdûr nêbê ganî na mesele cade bêra çareserkerdene.''

Kemalbaye bale ante ser ke rejîmê otorîterî benê sebebê krîzan ê winasênan û vat: ''Semedê dinyaya demokratîke ganî ma pîya têkoşîn bikerê. Ganî ma bi rayîrêkî dês û sînoran wedarnê. Ma sey HDPyî xîret kenê û venga pêro heqanê merdiman danê ke vera rewşa serê sînorê Polonya-Belarusî bi hîsgerî têbigêrê.''