Bexdad û şaristananê bînan ê Iraqî de nawnayîşê ke vera hukmatê Bexdadî ênê kerdene dewam kenê. Nawnayîşî kewtî roja pancine û vizêr şewe zî alozîye vejîye meydan.

Dayîya zanayene ke vizêr şewe hêzanê asayîşî Kerbela de hêrişê nawnayîşkeran kerd. Goreyê xeberan mûdaxaleyan de çekî ameyî xebitnayene û netîce de 18 kesî merdî.

Roniştoxê Bexdad û Necefî zî vizêr şande meydanan de bîy. Hêzanê asayîşî Bexdad de bi bombayanê gazî hêrişê nawnayîşkeran kerd û Necef de zî heman alozîye vejîye meydan.

Goreyê bîlançoyê fermî 1'ê teşrîna verêne ra nat tewr tay 240 kesî ameyî kiştene.