Birayê Rayberê Şarê Kurdî Abdullah Ocalanî Mehmet Ocalan û wasîyê ci Mazlum Dînçî û keyeyanê tepişteyan ê bînan ê Îmraliyî Omer Hayrî Konar, Hamîlî Yildirim, Veysî Aktaşî seba pêvînayîşî muracatê Serdozgerîya Komare ya Bursa kerd.

Ocalanî  badê 21 serran reya verêne 27ê nîsane de heqê xo yê telefonî şuxulna û birayê xo Mehmet Ocalanî reyde pê telefonî qisey kerd. Tepişteyanê bînan zî 2015î ra dima reya verêne pê telefonî keyeyanê xo reyde qisey kerdbi.

Derheqê heqê qiseykerdişê telefonî yo ke 21 serran de têna reyêke ame şuxulnayene de zî 7ê êlule de qerarê qedexeyê 6 aşman ame girewtene.