Keyeyanê şorişgêran ê almanan ê ke Kurdîstan de şehîd bîyî, Serekwezîra Almanya Angela Merkele rê muktubêk nuşt û waşt ke Almanya çekan nêroşa Tirkîya û vera tedaya serê kurdan tewirê xo bimojna.

Uta Schneiderbanger 31ê gulana 2015î de Qeladiz de qezayêkê trafîkî de, Ivana Hoffman 7ê adara 2005î de Til Temir de şerê vera DAÎŞî de, Jakob Riemer 9ê temmuza 2018î de Çarçela de hêrişê hewayî rê artêşa tirke de û Michael Panser zî 14ê kanûna 2018î de Herêmanê Pawitişî yê Medya de bombardumanê dewleta tirke de, Konstantin Gedig (Andok Cotkar) zî 16ê teşrîna verêne ya 2019î de Serêkanîyê de hêrişê hewayî de şehîd bibî.

Dadî û babîyanê 5 şorişgêran Konrad Schneiderbanger, Michaela Hoffmann-Umeh, Katharina Riemer, Hans-Ulrich Panser, Ute Russ û Thomas Gedig  Merkele rê mektubêk erşawit  û venga hukmatê Almanya kerd.

Keyeyan da zanayene ke  domanê înan bi zerrîya xo şîyî û tewrê şerê şorişê Kurdîstanî bîyî. Keyeyan hukmatê Almanya ra waşt ke hemkarîya xo ya seba dewleta tirke biqedîno. Keyeyan bale ante sûc û binpaykerdişanê heqanê merdiman ê Kurdîstanî ser.

Keyeyan waşt ke vera dewleta tirke cade ambargo bêro caardene. Keyeyanê şorişgêran vist vîrî ke Belçîka seba PKK 'rêxistina terorî nîya' daye û îfade kerd ke ganî Almanya atmosferê 1990an ra xo bixelisna û kurdan reyde têkilîye rona.

Dadî û babîyanê şorişgêran  peynî de Merkele ra waşt ke domanê înan nêrê vîrakerdene.