Emîne Şenyaşara ke mêrde û 2 lajê ci hetê merdimanê Wekîlê AKPyî Îbrahîm Halîl Yildizî ra kişîyayî, lajê xo Ferît Şenyaşarî reyde 179 rojî yo verê Edlîyeya Riha de nobeta edaletî kena.

Keyeyî ewro zî dowîzê bi nuşteyê 'Wa edalet bêro caardene, zulm biqedo', 'Domanê mi ameyî qetilkerdene ez edalet wazena, her kesî rê edalet wazena.' berz kerdî.

Keyeyê Şenyaşarî hesabê xo yê medyaya dîjîtale ser o no mesaj pare kerd: ''Şima eşkenê sûcanê xo mîyanê tarîtîye de binimnê. Şima do hesabê qirkerdişê nêweşxaneyî bidê. Pê paştîya xo dayîşê qralî şima têna eşkenê prosesî derg bikerê. Şima do hesabê qirkerdişî bidê. Têkoşînê ma yê edaletî verê berê edlîye de roja 179. de yo.''