Emîne Şenyaşar û Ferît Şenyaşar roja 116. ya nobeta edaletî de Amed de baro û Partîya DEVA zîyaret kerdî.

Ferît Şenyaşarî zîyaretê partîya DEVA de qisey kerd û ard ziwan ke 3 serrî yo ê hê têkoşînê edaletî kenê la kiştoxan rê dewa nêna akerdene. Serekê DEVA yê Amedî Cîhan Ulsenî zî vat ke serebûtê qirkerdişî rixmê delîlan mîyan beno.

Emîne Şenyaşar pare kerd ke nêweşxane de pêro qeydî ameyî pakîkerdene û vat: ''Lajê mi merdî la kiştoxî teber de yê. Wa ê lajê min ê tepişteyî vera bidê.''

Keyeyî dima Baroyê Amedî zîyaret kerd. Dadî Emîne zîyaret de berma û waştişê xo yê edaletî dibare kerd. Ferît şenyaşarî derheqê dosya de agahîyî dayî baroyî û vat: ''Wa her kes paştî bido têkoşînê ma.''

Serekê Baroyê Amedî Nahît Erenî da zanayene ke dosyaya qirkerdişî keye û avûkatan ra yena remnayene û ê do dewa teqîb bikerê.