Emîne Şenyaşara ke laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde verê Edlîyeya Riha de nobeta edaletî rê dewam kena. 

Ewro Hetkaranê Serekê Pêroyî yê Partîya Gelecekî Ganî Torun û Serkan Ozcanî keye zîyaret kerd.

Emîne Şenyaşar vat: ''Ma key wazenê bikewê zereyê bînaya edlîye ma yenê destbendkerdene. Roniştişo 9. yê dewaya ma vizêr eşkera bi. Înan nêweşxane de qirkerdiş kerd la dima nêweşxane boyax kerd. Lajê min o tepişte 3 serrî yo hucreyê yewkesî de maneno. Înan waşt cezaya 150 serran bidê lajê mi.Wa lajê mi bêro veradayene. Na senî dewlet a, dewleta zaliman a.''

Îdarekaranê Partîya Gelecekî zî ard ziwan ke ê paştî danê keyeyî.