Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde verê Edlîyay Riha de nobeta edaletî kena.

Keyeyî roja 225. de serê sibayî verê Edlîyeya Riha de pankarta bi nuşteyê 'Ma edaletî wazenê' akerde û dest pê çalakîya xo kerd.

Keyeyê Şenyaşarî hesabê xo yê medyaya dîjîtale ser o no mesaj pare kerd: ''225 rojî yo dadîyêke verê Edlîyeya Riha de ronişte ya û pabeyê edaletî ya. 286 wekîlê ke vera feryadê na dadî bêveng ê û medyaya ke binê tedaya sîyasîye de ya, ganî merdimîya xo bipersê.''