Çalakîya 'Nobeta Edaletî' ya keyeyê Şenyaşarî roja 207. de verê Edlîyeya Riha de dewam kena.

Ferît Şenyaşarî da zanayene ke o û dadîya ci Emîne Şenyaşar 207 rojî yo pabeyê edaletî yê û vat: ''Nêweşxaneyê Dewlete yê Pirsûsî de 3 merdimê ma kişîyayî. Serê qirkerdişî ra 3 serrî û 3 mengî derbaz bîyî. Dozgeran hema zî dewa anêkerde. Welat de her kes paştî dano têkoşînê ma. Ewro Meclîs abi. Ganî Meclîs de no bibo babeta sereke. Ma do heta peynî têkoşîn bikerê û verê edlîye ra nêşorê.''

Ferît Şenyaşarî wina venga Meclîsî da: ''2 waştişê ma estê; wa birayê mi bêro veradayene û serê qirkerdişê nêweşxaneyî nêro girewtene. Ma venga wekîlanê Meclîsî danê ke na neheqîye bêra peynîkerdene.''