Emîne Şenyaşar û lajê ci Ferît Şenyaşar 8 mengî yo verê Edlîyeya Riha de nobeta edaletî kenê ke 3 ferdê keyeyê înan hetê merdimanê Wekîlê AKPyî Halîl Îbrahîm Yildizî ra kişîyabîy.

Ferît Şenyaşarî ard ziwan ke 8 mengî yo ê nobete de yê û nêweşîyê dadîya ci benê giranêr. Ferît Şenyaşarî vat: ''Çîyo ke ameyo sereyê dadîya mi semedê merdimîye ders o. Ganî peynîya na bêhuqûqîye bêra ardene. Zimistan dîyeno. Hînî dadîya mi nêeşkena na neheqîye rê daymîş biba. Eke komel vengê xo vejo no zulm do biqedo.''

Keyeyê Şenyaşarî dima nêrdîwanan de dest pê nobete kerd la polîsan nêverda keye uca de vindero. Naye ser o keyeyê Şenyaşarî û avûkatê înan semedo ke serdzogerî bivînê şîyî bînaya edlîye.