Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra ameybî qetilkerdene, lajê xo Ferît Şenyaşarî reyde 644 rojî yo, verê Edlîyeya Riha de Nobeta Edaletî gêno.

Emîne Şenyaşar ewro dî ke reyna wesayîtanê bi plakayanê fermîyan pankarta înan a bi nuşteyê 'Edaletî' ver de park kerd. Emîne Şenyaşar pankarte reyna deliqnaye û dest pê nobete kerd.

Ferît Şenyaşarî ard ziwan ke kiştox wekîlê partîya îqtîdarî yo û vat: ''Wezîrê Karanê Zereyî kiştoxî paweno û Serekkomar zî vera bêhuqûqîye bêveng maneno, hetê wekîlê xo gêno. Coka mehkeme edîl nîya. Serebûtî qasê 5 serrî xo pey de verdayî. Îstînaf wazeno dewaya dikane û nêweşxaneyî yew bikero. O çax dewa do newe ra dest pêbikera. Ma heqdar ê. Birayê mi Fadilî çew nêkişt. O tedaya sîyasîye ra tepişîya. Ma na bêedaletîye qebul nêkenê.''

Ma do verê edlîye ra nêşorê. Siba nê bîr xora wekîlê partîya îqtîdarî yan zî namzetê înan do bêrê Riha. Şarê Riha na bêedaletîye vîneno. Ma do na bêedaletîye namzetan rê pers bikerê.Heta kena bêedaletîye nêqeda ma do têkoşînê xo ra fek vera medê.''