Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene 600 rojan ra zêdeyêr o verê Edlîyeya Riha de, lajê xo Ferît Şenyaşarî reyde nobeta edaletî kena.

Keye roja 602. a çalakîye de zî seba nobete verê edlîye de bi. Ferît Şenyaşarî çalakîye de qisey kerd vengê înan pêro dinya de eşnawîyeno la Tirkîya de nêeşnawîyeno. Şenyaşarî vat: ''Walîtîya Riha ma ra 100 metre wetêr a û vengê hewarê dadîya mi eşnawena la cewab nêdana. Ma do nobeta xo berê verê bînaya AKPyî, Wezîrîya Edaletî û Meclîsî. Ma wazenê selahîyetdarî peynîya na bêhuqûqî bîyarê.''