Keyeyê Şenyaşarî yo ke merdimanê ci hetê terefgîranê AKPyî ra ameyî qetilkerdedene çalakîya nobeta edaletî rê roja 112. de dewam keno. Keyeyî bale ante girîngîya paştdayîşî ser o û vat: ''Hêzî dano ma.''
Çalakîya nobeta edaletî ya keyeyê Şenyaşarî verê Edlîyeya Riha de roja 112. de dewam kena.
Ferît Şenyaşarî derheqê nobeta înan de qisey kerd û vat: ''Hayîya her kesî pê dewaya ma esta. Zîyaretanê ma de her kesî ard ziwan ke ma rê zulm yeno kerdene. Zîyaretê ma de Baroyê Îstanbulî pare kerd ke ê do dewaya ma teqîb bikerê. Têkoşînê ma dewam keno. Paştdayîş hêzê xoverdayîşî dano ma. Seba paştdayîşî ma pabeyê her kesî yê.''
Keyeyî hesabê xo yê twitterî ser o qirkerdişê Nêweşxaneyê Pirsûsî pare kerd û da zanayene ke Qesra Edaletî ya Riha wezîfeyê xo nêard ca.
