Selahîyetdaranê tirkan îdîa kerd ke Erzîngan de gerîlayê HPGyî şehîd bîyê ke nînan ra yew zî Yunus Babayîgît (Aras Dîgor) o. Keyeyê Babayîgîtî seba ke agahîye nêna dayene ci cuya lajê xo ra qerqilîyeno.
Wezîrê Karanê Zereyî yê tirkan Alî Yerlîkayayî hesabê xo yê Xî de îdîa kerdbi ke Kemaxê Erzînganî de şer de gerîlayê HPGyî Yunus Babayîgît (Aras Dîgor) û H.G. şehîd bîyê.
La agahîye nêdîyaye keyeyê Babayîgîtî. Kek û apê Yunus Babayîgîtî şîyî Dezgehê Tipê Edlîyî yê Erziromî la musayî ke Babayîgît uca de nîyo.
Keyeyî muracatê dozgerîya Erzînganî kerd la ancî agahîye nêdîyaye keyeyî. Goreyê agahîyan dozgerîye keyeyî rê vato ke Yunus Babayîgît erşawîyayo zîndanî.
La keye zîndan de zî Yunus Babayîgît nêdî. Keyeyê gerîlayan û merdimê ci cuya Babayîgîtî ra qerqilîyenê.
