Birazeyê Abdullah Ocalanî Omer Ocalan, birayê Omer Hayrî Konarî Emîn Konar, waya Veysî aktaşî Sabîha Aktaş û avûkatê Buroyê Huqûqî yê Asrinî Ozgur Faîk Erol û Serbay Kokluyî Meclîs de gruba HDPyî zîyaret kerde.

Serekwekîlê Grûba HDPyî Merale Daniş Beştaş û Saruhan Oluç, Endamê Komîsyonê Heqanê Merdiman ê HDPyî û Hetkarê Hemserekanê HDPyî Tayyîp Temel zî tede wekîlanê HDPyî keyeyî pêşwazî kerdî.

Omer Ocalanî zîyaret de ard ziqan ke ê rewşa weşîye ya merdimanê xo ser qerqilîyenê û vat: ''Beno ke dewlete çîyêk nimnena. Key tecrîd beno giranêr krîzê welatî zî benê giranêr. Ma wazenê merdimanê xo bivînê.''

Merale Daniş Beştaş zî pare kerd ke ê paştî danê xîretanê keyeyan û vat: ''Ma Meclîs û waranê bînan  de seba wedarnayîşê tecrîdî mesuldarîyanê xo bîyarê ca.''

Avûkatê Buroyê Asrinî Ozgur Erolî cezayê dîsîplînî yê vera Rayberê Şarê Kurdî Abdullah Ocalanî vistî vîrî û vat: ''Birêz Ocalan reya diyîne qetî çîyêkî nêano ziwan. Ey di reyî vera nê cezayan îtîraz kerdo la nika îtîraz nêkeno. O nêwazeno dewlete ra çîyêk biwazo. Derheqê cezayanê dîsîplînî û dosyayanê cezayan de agahîye nêdîyena ma. Birêz Ocalan pêvînayîşê xo yê telefonî de bi israr waşt ke avûkatanê xo bivîno.''

Erolî îfade kerd ke ê bira cezaya muebede Komîteya Wezîran a Konseya Ewropa de kenê rojdem û derheqê nê prosesî de agahîyî dayî.