Îdarekara Federasyonê Komeleyanê Paştdayîşî û Huqûqî yê bi Keyeyanê Tepişteyan û Hukmwerdeyan ê Medî (MED TUHAD-FED) ANFyî rê qisey kerd û ard ziwan ke ê sey keyeyanê tepişteyanê nêweşan rewşa merdimanê xo ra qerqilîyenê.

Akdage îfade kerd ke keyeyî vanê ke key telefon biceno qerqilîyenê ke xebera mergî bigêrê. Akdage vat: ''Psîkolojîya keyeyan hol nîya û tim qerqilîyenê. Keyeyê tepişteyanê nêweşan nika ra amadekarîye kenê ke cenazayan senî pêşwazî bikerê. Tek rojdemê înan no bîyo. Coka derheqê her babeta zîndanan de hesas ê.''

Akdage pare kerd ke keyeyî wazenê înan rê paştdayîşo huqûqî bêro kerdene û vat: ''Komîsyonê ma yê huqûqî xîret keno ke paştî bido keyeyan. Ma çarçewa paştdayîşê huqûqî de têgêrenê ke keyeyî wazenê. Ma xîret kenê ke rewşa tepişteyan û prosesî ser o agahîyan bidê keyeyan. Nobetê Edaletî hema zî dewam kenê. Ma nê nobetan de paştî danê keyeyan, zîyaretê keyeyan kenê û waştişan û meseleyanê înan musenê.

Keyeyê tepişteyanê nêweşan ganî vengê xo zêdeyêr berz bikerê. Na babete zaf hesas û wijdanî ya. Ganî keye, dezgeh, rêxistinê komelê sivîlî, partîyê sîyasîyî wayîrê tepişteyan vejîyê.''