11ê êlule de taxa Menteşî ya qezaya Yenîşehîrî ya Mersînî de kes yan zî kesan serê berê keyeyê Ariciyî de 'kurdê elewî biteqezye' nuştbi la hema zî sûcdarî nêameyî tesbîtkerdene. Keye semedê hêrişê nîjadperestî qerqilîyeno. 

Keyeyê Ariciyî 1993 de neçare mend ke dewa Çopruyî ya qezaya Çelîxanî ya Semsûrî ra koçê Meletî kerd û uca ra zî 2016 de koçê Mersînî kerd. 

Engîn Ariciyî serebût sey 'faşîzmî' pênase kerd û vat: ''Ma Kerbela, Gumgum û Çorum de ameyî qetilkerdene. Hînî bes o. Ma seserra 21. de zî maruzê nê hêrişan manenê.''

Derya Arici zî pare kerd ke domanê înan zaf tersenê û vat: ''Ma kesî rê dişmenîye nêkenê. Ne ez ne zî mêrdeyê mi ma nêeşkenê şewe rabikewê.  Ez şewan werzena û ewnîyena domananê xo ra. Ez sey cinîyêke û dadîyêke xo asayî hîs nêkena. Ez nê hêrişî şermezar kena. Ma wazenê cade mesuldarî bêrê tepiştene.''