Qoricîyan Şukru (Şîrîn) akçay û birayanê ci Veysî û Mahsum Akçayî şiwane Musa Çelîk 2021 de Mîdyad de qetil kerdbi. Roniştişê dewa Mehkemeya Cezaya Girane ya Mîdyadî de ame kerdene. ÎHD, OHD û Baroyê Mêrdînî zî tewrê roniştişî bîyî.

Mehkeme Mahsum Akçay vera da, Şukru Akçayî rê cezaya zîndanî ya 12 serran û 6 mengan daye û Veysî Akçay zî 'tehrîkî' ra vera da.

Avûkatanê Çelîkî Erdal Kuzu û Leyla Çelîk Guneş vera biranê mehkeme nêrazîbîyayîşê xo mojna û da zanayene ke serebût de yew tehrîk çin o.

Dima ke bire ameye eşkerakerdene Şukru Akçayî mehkeme rê sipas kerd û vat: ''Biciwîyê camêrdê dewlete. Ma dewletperest ê, tornê Osmanîyan ê.''

Avûkatan bire ercnaye û dîyar kerd ke mehkeme pê biranê xo xelate daya kiştoxan.