Konseya Rayberdişî ya KNKyî dima ke PDKyî hêzê xo erşawitî noqtayanê gerîlayan ê Garê bi hawayêkê lezî pêvînayîşêk kerd û eşkerayîyêke daye.

KNKyî da zanayene ke înan masaya krîzî naye ro. KNKyî pare kerd ke ê semedê rewşe ra zaf qerqilîyenê û vat: ''Seba ke rewşe giranêr nêba, ma bi nameyê KNKyî venga di terefan danê ke hêzê xo bierşawê waranê verênan û na mesele pê dîyalogan çareser bikerê. Ma venga partî, rêxistin, kesayet û şarê Kurdîstanî danê ke wa têbigêrê û nêverdê ke hêzê Kurdîstanî vera yewbînan şer mekerê.''

KNKyî kombîyayîşê xo de nê birî girewtî:

-Seba ke rewşe game bi game bêra teqîbkerdene û tedbîrê hewcedarî bêrê girewtene masaya krîzî ronîyaye.

-Asta hemserekîye de heyetêk do şoro Başûrê Kurdîstanî û tay têkilîyan ronê.

-Wextêkê kilmî de Zoomî ser o bi beşdarîya kesayet, endamanê partî û rêxistinanê Kurdîstanî konferansêko gird do bêro kerdene.